“ბარსელონას” მთავარმა მწვრთნელმა ჰანსი ფლიკმა ჩემპიონთა ლიგის 1/2-ფინალში “ინტერთან” განმეორებითი შეხვედრის წინ პრესკონფერენცია გამართა.
ვფიქრობ, ლევანდოვსკისთვის ხვალინდელი მატჩის სათადარიგოდან დაწყება საუკეთესო ვარიანტი იქნებოდა.
ორი ტიტული მოვიგეთ. ამ კვირაში სასწორზე ბევრი რამ დევს. ყველაზე მეტად ვაფასებ იმას, რომ ჩემი მოთამაშეები საკუთარი თამაშით სიამოვნებას იღებენ და ენთუზიაზმით არიან განწყობილნი. ეს მეამაყება.
ახალგაზრდები? როდესაც სეზონი დაიწყო, წარმოდგენა არ გვქონდა, რას მივაღწევდით, რომ ორ ტიტულს მოვიგებდით. ახლა წინ კიდევ ერთი მნიშვნელოვანი კვირაა. მინდა, ჩემმა ფეხბურთელებმა საკუთარი თავით ისიამოვნონ. ამ გუნდის მწვრთნელობა შესანიშნავია.
სტანდარტულები და შეცდომები პირველ შეხვედრაში? ჩვენ, მწვრთნელები, ყველაფერს ვაანალიზებთ. გარედან, შესაძლოა, ერთი შეხედვით სხვაგვარად ჩანდეს. ყველაფერს თავისი მიზეზი აქვს. გვინდა, თავი ბევრად უკეთ დავიცვათ. პირველ მატჩთან შედარებით რაღაცას შევცვლით. გარკვეული ცვლილებები იქნება, ამაზე ვიმუშავებთ. ახლა მხოლოდ ამის თქმა შემიძლია.
გუშინ ლევანდოვსკის ვესაუბრე. მას კარგი პროგრესი აქვს. რობერტი სათადარიგოზე იქნება. თუ დაგვჭირდება, ითამაშებს.
იამალი სულ რაღაც 17 წლის ასაკში გენიოსია. რასაც ის აკეთებს, დაუჯერებელია. თუმცა, ჩემთვის ყველაზე მნიშვნელოვანი გუნდია. მინდა, ფეხბურთელები უმაღლეს დონეზე თამაშობდნენ.
“ინტერი”? ყოველთვის მთლიანად მეტოქეზე ვართ კონცენტრირებულები. მათაც კარგი, შესანიშნავი ფეხბურთელები ჰყავთ, მაგრამ ყოველთვის ყველაფერი გუნდზეა დამოკიდებული.
ხვალ ოთხი ცენტრალური მცველით ვითამაშებთ? ტრავმებმა ჩვენზე იმოქმედა. გვყავს მოთამაშეები, რომლებსაც სხვა პოზიციების დაკავება შეუძლიათ. გარსიას, არაუხოს, მარტინს, ფორტს კუნდეს ან ბალდეს პოზიციაზე თამაში შეუძლიათ.
წინა თამაში საოცარი იყო. “ინტერი” ძალიან ძლიერი, ძალიან გამოცდილი გუნდია, რომელიც თავის შანსებს იყენებს და რომელიც დაცვაში კარგად მოქმედებს. დაცვაში ჩართვა ყველას მოუწევს, რადგან ისინი სივრცეებს ავსებენ.
ჩემი მესიჯი ფეხბურთელებს? ისიამოვნეთ ხვალინდელი მატჩით. ასეთ დონეზე თამაში შესანიშნავია. ფინალში გასვლა შეგვიძლია. მოთამაშეებზე ზეწოლა არ მინდა, მათ უნდა ისიამოვნონ. მინდა, ისინი ერთმანეთთან მუდამ კავშირში იყვნენ, კარგად ესმოდეთ სიტუაცია, ფლობდნენ ბურთს…
ფინალში გასასვლელად მოედანზე ყველაფერს გავაკეთებთ.
ფინალში გასასვლელად მოედანზე ყველაფერს გავაკეთებთ.
ღმერთმა გისმინოს
მიდი ჰანს შენს იმედზე ვართ
უდიდესი მწრთვნელი ხარ ჰანს!
რა საშინელებაა ეს რა თარგმანია!!!
ხვალ მაგრა წვიმს მილანში ძააან მძიმე თამაში გვექნება მეგობრებო რას ფიქრობთ?
ღმერთი შენსკენ ფლიკ!
ხვალ ომი გვაქვს, როგორც თქვა: ფინალი ფინალის წინ.
მე ვილოცებ თქვენზე!
ამინდი დედას იხნავს იმენა იქ რაც ძაან ცუდია 😏🥴
მიდი ჰანს გაგვიყვანე ფინალში
მიდი რა ძია ჰანს ჩაუკლასე შიგ მილანში.პ.ს რაცარუნდა მოხდეს უმაგრესი სეზონი გვაქ და მადლობა ფლიკს