“ახლა ჩვენი ფოკუსი ინტერზეა” | ჰანსი ფლიკი

სიმართლე რომ ვთქვა, გაგვიჭირდა. თან, თავიდან არ გაგვიმართლა, მაგრამ, საბედნიეროდ, მოვიგეთ. უკეთესად თამაში შეგვეძლო, თუმცა 3 ქულა მაინც ავიღეთ.

მარტივი მატჩი არ ყოფილა. როცა ბურთი გიჭირავს და თამაშს აკონტროლებ, შემდეგ კი ერთ შეცდომას უშვებ ან კონტრშეტევა გეპარება, ასე ხდება. მეტოქე ძალიან უკან იყო დაწეული.

როცა ვაგებთ, ყოველთვის ცდილობთ, რომ რეაგირება მოვახდინოთ. მნიშვნელოვანია, რომ გუნდი ფოკუსირებულია. მხოლოდ მოგებაზე ვფიქრობთ.

დანი როდრიგესს ტრავმის მოშუშებაში უნდა დავეხმაროთ. მან აჩვენა, რამდენად კარგია, და პირველ გუნდში გუნდში ყოველთვის მივესალმებით. დანის განვითარებაში დავეხმარებით. როდრიგესის ტრავმის გამო ძალიან დამწუხრებული ვარ. ის ლაზარეთიდან დაბრუნდა და დებიუტი ჰქონდა. ვფიქრობ, ბედნიერი იყო, რომ ითამაშა.

დანიმ აჩვენა, რასაც მისგან სავარჯიშო სესიებზე ვხედავდი. როცა ბურთი აქვს, ყოველთვის რაღაცის გაკეთებას ცდილობს. ის ძალიან კარგი იყო. გამოჯანმრთელების შემდეგ როდრიგესი მუდმივად პირველ გუნდთან ერთად ივარჯიშებს.

ტერ შტეგენი კარგი იყო. გოლის დროს მას უბრალოდ არ გაუმართლა. ასეთ გოლებს არ ვუშვებთ ხოლმე, მაგრამ რაც მოხდა, მოხდა. მიხარია, რომ მარკი დაბრუნდა.

ინტერისა და რეალ მადრიდის წინააღმდეგ შჩესნი ითამაშებს.

ბედნიერი ვარ, რომ მოვიგეთ და ასევე მიხარია, რომ ინტერთან მნიშვნელოვანი მატჩის წინ ზოგმა ფეხბურთელმა ცოტათი დაისვენა. ახლა ჩვენი ფოკუსი სწორედ ამ დაპირისპირებაზეა.

პირველ ტაიმს როტაციაზე ჩემი გეგმები არ შეუცვლია. თავიდანვე გათვლილი მქონდა, რომ პედრისა და დე იონგს თითი-თითო ტაიმი უნდა ეთამაშათ. ლამინისა და რაფინიას შემოყვანა კი დანის ტრავმამ განაპირობა.

გავიმ გვითხრა, რომ შესანიშნავადაა. მას ტრავმა არ აქვს.

იმედგაცრუებული არ ვარ. როცა შემადგენლობაში 9 ცვლილებას აკეთებ, ახალი მოთამაშეებისთვის საქმე მარტივი არაა. ისინი ახალგაზრდები არიან და მათი მჯერა. ჩემს ფეხბურთელებს ძალიან ვენდობი. მათ ყველაფერი გაიღეს.

არაუხომ და კრისტენსენმა კარგად ითამაშეს.