რა შემოსავალს ელის ბარსელონა განახლებული კამპ ნოუსგან?

გეგმის მიხედვით, “კამპ ნოუს” განახლება 2026 წლის ივნისში დასრულდება და კლუბის შემოსავლის მნიშვნელოვანი წყარო გახდება.

Mundo Deportivo-ს ინფორმაციით, რეკონსტრუქციის დასრულების შემდეგ “ბარსელონა” “კამპ ნოუსგან წლიურად 346 მილიონი ევროს შემოსავალს ელის. “ბარსას” გათვლები ღრმა მარკეტინგულ ანალიზსა და სხვა სპორტულ კლუბებთან შედარებას ემყარება.

“კამპ ნოუს” მიერ მოტანილი შემოსავლის ნაწილი სტადიონის განახლებისთვის აღებული სესხების დაფარვას მოხმარდება. “ბარსამ” სხვადასხვა მსხვილი ინვესტორისგან ჯამში 1.5 მილიარდი ევრო ისესხა, რომლის ძირიც (კლუბი ახლა მხოლოდ პროცენტს იხდის) 2026 წლიდან 2050 წლამდე უნდა დაფაროს. 

“ბარსელონას” გათვლებით, “კამპ ნოუს” შემოსავალი ობიექტების მიხედვით შემდეგნაირად განაწილდება:

• მუზეუმი – €79,778,000
• ბილეთები – €73,851,000
• VIP ლოჟები – €76,540,000 
• კლუბის წევრები – €50,238,000
• სპონსორები – €47,289.00
• შეხვედრები და ღონისძიებები – €8,529,000 
• კვების ობიექტები – €8,164,000
• პარკინგი – €2,204,000