პედრი ბილბაოსთან ვერ ითამაშებს

RAC1-ისა და Relevo-ს ცნობებით, პედრი გონსალესი “სან მამესზე, 12 მარტს ბილბაოს “ატლეტიკის” წინააღმდეგ ვერ ითამაშებს. 

ახალგაზრდა ფეხბურთელმა ტრავმა “მანჩესტერ იუნაიტედთან” სახლში გამართულ მატჩში მიიღო. ის გარისკვას არ აპირებს და დაბრუნებას არ ჩქარობს.

პედრის დაბრუნებას 3-4 კვირაში ვარაუდობდნენ, მაგრამ, მიუხედავად იმისა, რომ ეს დრო გავიდა, სამწვრთნელო შტაბი სიფრთხილეს იჩენს. გასულ სეზონში მან ძალიან ბევრი ითამაშა, რის გამოც სეზონის დასკვნითი ნაწილი ფიზიკური პრობლემების გამო გამოტოვა – “ბარსაში” იგივეს გამეორება არ სურთ.

ტრავმის შემდეგ პედრიმ ლა ლიგაში 3 მატჩი გამოტოვა, გუნდს ვერც “რეალ მადრიდთან” კოპა დელ რეიზე გამართულ შეხვედრაში დაეხმარა და ვერც “ბილბაოსთან” ითამაშებს.