რობერტ ლევანდოვსკი Golden Foot-ის ჯილდოს მფლობელი გახდა

“ბარსელონას” პოლონელი ვარსკვლავი რობერტ ლევანდოვსკი Golden Foot-ის ჯილდოს გამარჯვებული გახდა.

Golden Foot არის ჯილდო, რომელიც 2003 წლიდან გადაიცემა. ამ ჯილდოს მფლობელი ხდება მინიმუმ 28 წლის ფეხბურთელი არა რომელიმე კონკრეტული სეზონის ან წლის, არამედ მთლიანი კარიერის გათვალისწინებით.

ლევანდოვსკი ანდრეს ინიესტას შემდეგ მეორე ფეხბურთელია, რომელმაც ეს ჯილდო “ბარსელონაში” თამაშის დროს მიიღო. “ბარსას” ყოფილი ფეხბურთელებიდან Golden Foot მიუღიათ რონალდოს, რონალდინიოს, ზლატან იბრაჰიმოვიჩსა და სამუელ ეტო’ოს.

აღსანიშნავია, რომ ჯილდო ჯერ არ მიუღია ლიონელ მესის.