რა სქემით ითამაშებს არგენტინა ნახევარფინალში

ხვალ არგენტინას უმნიშვნელოვანესი მატჩი ელის – ლიონელ სკალონის გუნდი მსოფლიო ჩემპიონატის ნახევარფინალში ხორვატიას დაუპირისპირდება.

TyC Sports-ის ინფორმაციით, “ალბისელესტე” ხვალ 3-5-2 სქემით არ ითამაშებს. თუმცა, ეს ანხელ დი მარიაზეა დამოკიდებული – თუ ის სათადარიგოთა სკამზე იქნება, სასტარტოში მოხვედრის კანდიდატები ლაუტარო მარტინესი და ლეანდრო პარედესი იქნებიან.

პარედესთან ერთად გუნდი 4 ნახევარმცველით ითამაშებს და სკალონი 4-2-2 სქემას აირჩევს, მაგრამ თუ ძირითადში ლაუტაროს დააყენებენ, არგენტინა მოედანზე 4-3-1-2 ფორმაციით გავა.

ხორვატიის დამარცხების შემთხვევაში არგენტინა მუნდიალის ფინალში საფრანგეთს ან მაროკოს შეხვდება.