“ბარსელონას” ლეგენდარულმა ფეხბურთელმა, ლუის სუარესმა, შესაძლოა, საფეხბურთო კარიერა არგენტინაში გააგრძელოს.
ფაბრიციო რომანოს ინფორმაციით, ურუგვაელის გადაბირებაზე “რივერ პლეიტი” ოცნებობს – არგენტინულმა კლუბმა ვეტერან თავდამსხმელს შეთავაზება უკვე გაუკეთა და პასუხს ელის, მაგრამ სუარესი ფიქრისთვის დროს ითხოვს.
იტალიელი ჟურნალისტის ცნობით, “ელ მონუმენტალის” ბინადრები ლუისს, ხულიან ალვარესის (რომელიც “მანჩესტერ სიტიში” გადადის) შეცვლას სთავაზობენ.
ადრე გავრცელებული ცნობების თანახმად, “ბარსელონა” გუნდში “ელ პისტოლეროს” დაბრუნების საკითხს განიხილავდა, თუმცა, იგი რობერტ ლევანდოვსკის ალტერნატივად მოიაზრება, რის გამოც კატალონიურმა გრანდმა სუარესს აგვისტომდე მოცდა სთხოვა. მაგრამ, ურუგვაელს სხვა გეგმები აქვს და საკუთარი მომავლის გადაწყვეტის ასე დაყოვნების პერსპექტივა არ ხიბლავს.
ლუის სუარესი “ბარსაში” 2014-20 წლებში ასპარეზობდა. ლურჯ-ბროწეულისფერი მაისურით მის ანგარიშზე 281 მატჩი, 194 გოლი და 113 ასისტია.
ისე მესი რო აქ იყოს ნამდვილად მოიცდიდა სუარესი.
კი ღიპიაქ სერიოზული მაგრამ მინიმუმ 1 სეზ9ნი კიდევ შეუძლია ტოპ 5 ლიგაში,მერე კი ალბათ ვეღარ გაქაჩავს, ეჰჰ ამნაირი ფორვარდი გვყავდეს ახლააა😒😒
ადრეა ჯერ ცოტა ხანს იყოს კიდევ ევროპაში სუა🥰🥰
რომანო თითქმის არასდროს ცდება!
არ გადასულა ოფიციალურად.
ალტ ინფომ გამოაცხადა, რომ ოფიციალურად გადავიდა, ფაბრიციომაც თქვა