უმნიშვნელოვანესი კვირა ბარსელონასთვის

AS-ის ცნობით, ჟოან ლაპორტამ მატეუ ალემანის შეატყობინა, რომ მომდევნო დღეებში ეკონომიკური ბერკეტები ამოქმედდება. 

ეს ნიშნავს, რომ “ბარსელონას” (და კონკრეტულად მატეუ ალემანის) ტრანსფერებზე მუშაობისა და ისეთი ოპერაციების განხორციელების საშუალება მიეცემა, როგორიც რობერტ ლევანდოვსკის მოყვანაა. პოლონელის შეძენა ჩავი ერნანდესის პრიორიტეტია. 

ხავი მიგელის თქმით, მომავალ კვირაში ლაპორტას, ჩავის, ალემანის, ჟორდი კრუიფსა და რაფა იუსტეს შორის გაიმართება შეხვედრა, სადაც 2022/23 წლების სეზონისთვის კლუბის გეგმებზე იმსჯელებენ.

წყაროს ცნობით, “ბლაუგრანაში” ახლა ამბობენ: “სეზონი რომ ხვალ იწყებოდეს, კესიესა და კრისტენსენის დარეგისტრირებას ვერ შევძლებდით”.

გარდა ამისა, როგორც Sport იტყობინება, “ბარსა” რამდენიმე ფეხბურთელის გაყიდვას შეეცდება. თუ გუნდი მათ გაშვებას ვერ შეძლებს, მაშინ კონტრაქტების გაწყვეტაზე იფიქრებს. მოთამაშეებისთვის ხელფასების შემცირება აღარ განიხილება.

ამასთან, ჟერარ რომეროს მტკიცებით, “ბარსელონას” CVC-სთან ხელშეკრულებაზე ხელი რომ მოეწერა, ტრანსფერების განხორციელებას მოახერხებდა, მაგრამ, ჟოან ლაპორტა ამ გარიგების სიწორეში დარწმუნებული არაა და კონტრაქტის გაფორმება გადაიფიქრა.