ფატი დაბრუნდა – ესპანეთის ნაკრებში 6 ბარსელონელი მოხვდა

რამდენიმე წუთის წინ ესპანეთის ნაკრების მთავარმა მწვრთნელმა, ლუის ენრიკემ ის ფეხბურთელები დაასახელა, რომლებსაც ის “ფურია როხას” ივნისის თამაშებისთვის გამოიყენებს.

ესპანელთა განაცხადში “ბარსელონადან” 6 ფეხბურთელი მოხვდა. მათ შორისაა ანსუ ფატიც, რომელსაც ტრავმის გამო ეროვნულ გუნდში 2020 წლის ოქტომბრის შემდეგ არ უთამაშია.

თავისი ყოფილი გუნდიდან ლუჩომ ფატის გარდა ერიკ გარსიას, ჟორდი ალბას, სერხიო ბუსკეტსს, ფერან ტორესსა და გავის უხმო. აღსანიშნავია, რომ სხვა არცერთი კლუბიდან ორზე მეტი ფეხბურთელი ნაკრებში გამოძახებული არაა.

ესპანელთა განაცხადი:

მეკარეები: უნაი სიმონი (ბილბაო), რობერტ სანჩესი (ბრაიტონი), დავიდ რაია (ბრენტფორდი);

მცველები: სესარ ასპილიკუეტა (ჩელსი), დანი კარვახალი (რეალი), ერიკ გარსია (ბარსელონა), პაუ ტორესი (ვილიარეალი), აიმერიკ ლაპორტი (მანჩესტერ სიტი), ინიგო მარტინესი (ბილბაო), ჟორდი ალბა (ბარსელონა), მარკოს ალონსო (ჩელსი);

ნახევარმცველები: სერხიო ბუსკეტსი (ბარსელონა), როდრი (მანჩესტერ სიტი), ტიაგო ალკანტარა (ლივერპული), გავი (ბარსელონა), კარლოს სოლერი (ვალენსია), კოკე (ატლეტიკო), მარკოს ლიორენტე (ატლეტიკო);

თავდამსხმელები: ალვარო მორატა (იუვენტუსი), რაულ დე ტომასი (ესპანიოლი), პაბლო სარაბია (სპორტინგი), ფერან ტორესი (ბარსელონა), ანსუ ფატი (ბარსელონა), მარკო ასენსიო (რეალი).

ესპანელებს წინ 4 თამაში ელით, ყველა ერთა ლიგაზე:

• 02.06, ესპანეთი-პორტუგალია
• 05.06, ჩეხეთი-ესპანეთი
• 09.06, შვეიცარია-ესპანეთი
• 12.06, ესპანეთი-ჩეხეთი