ანსუ ფატი კადისთან არ დაბრუნდება | პიკეს აინტრახტთან თამაში კვლავ საეჭვოა

AS-ის ჟურნალისტის, ხავი მიგელის ცნობით, ანსუ ფატი 18 აპრილს, “კადისთან” შეხვედრაში არ დაბრუნდება.

ყველაფერი იმაზე მიუთითებს, რომ 19 წლის ფეხბურთელს მოედანზე 24 აპრილს, “რაიო ვალიეკანოს” წინააღმდეგ გასამართ მატჩში ვიხილავთ.

“ბარსელონას” სურს, ანსუს სარეაბილიტაციო პროცესთან დაკავშირებით ფრთხილად იყოს და მის სრულად გამოჯანმრთელებას დაელოდოს.

Mundo Deportivo-ს ინფორმაციით, მწვრთნელები და ექიმები გეგმავენ, რომ ფატი 2 კვირაში უნდა დაბრუნდეს. ის “კადისთან” ნამდვილად არ ითამაშებს, მაგრამ, ანსუს მონაწილეობა “რაიოსთან” დაპირისპირებაშიც საეჭვოა. შესაძლოა, ახალგაზრდა ფეხბურთელი ევროპა ლიგის ნახევარფინალში (თუ “ბლაუგრანამ” “აინტრახტს” სძლია), 28 აპრილს გასამართი პირველი შეხვედრისთვის მზად იყოს.

რაც შეეხება ჟერარ პიკეს – როგორც COPE იუწყება, დღევანდელ მატჩამდე, ჯერი და ჩავი ერთად გადაწყვეტენ, ის მოედანზე გასვლას შეძლებს თუ არა. ჟერარი გუნდთან ერთად სასტუმროში არ შეუნიშნავთ.

გუშინ პიკე ტკივილს კვლავ განიცდიდა და მის თამაშთან დაკავშირებით პესიმისტურად იყვნენ განწყობილნი, თუმცა, საბოლოო გადაწყვეტილების მიღებამდე, ფეხბურთელმა დრო ითხოვა.