ჩავი ერნანდესი რეალის განადგურების შემდეგ

ბრწყინვალე მატჩი ჩავატარეთ და, ვფიქრობ, მეტი გოლის გატანა შეგვეძლო. ძალიან კარგად ვითამაშეთ და ამ დღით ვისიამოვნეთ.

დიახ, ეს მატჩში შეიძლება 2-6-ს შევადაროთ, რადგან მადრიდელებს ბევრად ვაჯობეთ. სახეზე ღიმილი დაგვთამაშებს – “ბარსელონამ” ეს უნდა აღნიშნოს.

“ბარსას” მწვრთნელზე მეტად, კულე ვარ.

“ბარსელონა” დაბრუნდა? ამ დღით უნდა ვისიამოვნოთ. მათ წინააღმდეგ ცუდი სტატისტიკა დავასრულეთ და შესანიშნავად ვითამაშეთ.

ჩემპიონატის ლიდერი სტუმრად დავამარცხეთ. უფრო რთულ მატჩს ველოდით.

ვფიქრობ, ეს მოგება ჩვენს აწმყოსა და მომავალს შეცვლის.

მეტოქე ძალიან დავჩაგრეთ. ობამეიანგთან ერთად, მაღალმა პრესინგმა ძალიან კარგად იმუშავა. პედრიც ბევრს გვეხმარებოდა.

დღეს საკუთარ თავს უნდა ვუთხრათ, რომ ეს ის მოდელია, რომლით თამაშიც გვსურს.

ალბათ, კი, “ბარსა” დაბრუნდა, მაგრამ ამის გარჩევა თქვენთვის მიმინდია. გუნდმა სრულყოფილი პერფორმანსი აჩვენა და კონკურენტუნარიანი იყო. ძალიან კარგი, ტექნიკური ფეხბურთელები გვყავს, რომლებიც მოდელს ვერ იგებდნენ, მაგრამ ახლა საქმე სხვაგვარადაა. სირბილი, მუშაობა და გუნდის დახმარება – ეს ყველაფერი მწყობრშია.

დავამტკიცეთ, რომ წინააღმდეგობის გაწევა ყველასთვის შეგვიძლია.

აღიარება არ მჭირდება – ამას მოთამაშეები უფრო იმსახურებენ. დღევანდელ მოგებას ჩემს პერსონალურ წარმატებად არ მივიჩნევ – ეს გუნდური გამარჯვებაა, “ბარსელონასა” და ჩვენი ფანებისთვის… დიდება, “ბლაუგრანას” ოჯახს ეკუთვნის.

ბურთის დაკარგვა ძალიან მაბრაზებს… განსაკუთრებით მოედნის მეორე მესამედში. მეორე ტაიმში, იყო ეტაპები, როცა უკეთ თამაში შეგვეძლო.

დღეს ტიტული არ მოგვიგია. შრომა უნდა გავაგრძელოთ, რადგან წინ ჯერ კიდევ ბევრი სამუშაო დაგვრჩა. მიმდინარე სეზონის მიზნებისთვის ჯერ არ მიგვიღწევია.

ფეხბურთელების გამო ძალიან ბედნიერი ვარ. ზოგ მათგანს კარიერაში რთული პერიოდი ჰქონდა და ყველა აკრიტიკებდა. მიხარია, რომ ასეთმა მოთამაშეებმა ფორმა აღიდგინეს.

ლა ლიგის მოგება მარტივი არ იქნება, მხოლოდ 10 მატჩი რჩება, მაგრამ მცდელობები უნდა გავაგრძელოთ.

“რეალის” დამარცხება ჩვენს პროექტს, კლუბის იდეასა და ფილოსოფიას ბიძგს აძლევს.

ეს მატჩი 2004 წელს გამართულ “ელ კლასიკოს” მახსენებს, მაგრამ ეს მხოლოდ 3 ქულაა და მუშაობა უნდა განვაგრძოთ.

ვგრძნობ, რომ ამ კლუბს ვეკუთვნი. ბავშვობიდან “ბარსელონაში” ვარ და ყოველთვის ასეთი დამოკიდებულება მქონდა.

ახალბედა ვარ და ეს გამარჯვება მაძლიერებს.

ვიცოდით, “ბლანკოსის” წინააღმდეგ როგორ გვეთამაშა და შეგვეტია – ბევრი შანსი შევქმენით. ბოლო 20 წუთი ისინი გვიტევდნენ, რაც ნორმალურია, როცა 4-0 იგებ.