ჭორები, არგენტინის კაპიტნის შეცვლის შესახებ, როგორც იქნა დადასტურდა.სამხრეთ ამერიკელთა ახალმა მწვრთნელმა, ალეხანდრო საბელამ გადაწყვიტა, რომ კაპიტნის სამკლაური გუნდის “10” ნომერს მოარგოს. გუშინდელ დღემდე არგენტინელთა კაპიტანი “ბარსელონას” ნახევარმცველი, ხავიერ მასკერანო იყო.
ჟურნალისტებთან კაპიტნის თაობაზე საუბრისას, საბელას მესის გვარი არ უხსენებია. მან განაცხადა, რომ სამკლაურს ჩაიბარებს ის ფეხბურთელი, რომელმაც ევროპის სუპერთასის გათამაშებისას “პორტოს” კარში გოლი გაიტანა და რომელმაც შეხვედრა “10” ნომრიანი მაისურით ჩაატარა”.
ლეო მესის არგენტინის ნაკრებში 61 მატჩი აქვს ჩატარებული და 19 გოლი აქვს გატანილი.
