პერეირა:” რთულია “ბარსას” კარში პენალტის დანიშვნა”

პორტუგალიური “პორტოს” მთავარმა მწვრთნელმა ვიტორ პერეირამ გააპროტესტა მსაჯის საქციელი, რადგან ამ უკანასკნელმა არ დადო პენალტი “ბარსელონას” წინააღმდეგ.

“ვიცი, რომ “ბარსელონას” წინააღმდეგ პენალტის დანიშვნა ძალიან რთულია, მითუმეტეს 80-ე წუთზე, მაგრამ ეს რომ მომხდარიყო  ჩვენ კარებთან, აუცილებლად დანიშნავდნენ.“

“მიუხედავად ამისა, მე კმაყოფილი ვარ. ჩვენ კარგად ვითამაშეთ, “ბარსელონას” არაფერი დავუთმეთ. 1:0–ზეც კი გვქონდა შანსი გაგვეთანაბრებინა ანგარიში.” – დაასრულა ვიტორმა.

შეგახსენებთ, რომ “ბარსელონა” და “პორტო” ერთმანეთს გუშინ, ევროპის სუპერთასის გათამაშებაში დაუპირისპირდნენ. გამარჯვება კატალონიელებს დარჩათ (2:0).