რაფინიას პრესკონფერენცია

რაფინია, მოგესალმებით. ემოციური დღეა.

Joga Bonito “ბარსელონაში” ბრუნდება. წარმატებულ ეპოქებში ბრაზილიელები ყოველთვის გვყავდა.

მინდა, დეკუს მადლობა გადავუხადო, რადგან მან ძალიან ბევრი იმუშავა.

რაფინიასი მადლობელი ვარ, ისევე, როგორც მატეუ ალემანისა და ჟორდი კრუიფის, რომლებმაც ეს ტრანსფერი შესაძლებელი გახადეს.

ჩავი მის მოიყვანას დაჟინებით ითხოვდა. ყველაფერი გავაკეთეთ, რომ ტრანსფერი განხორციელებულიყო.

ამ ყველაფერში რაფინიამაც დიდი როლი ითამაშა. მისი ოჯახი და მეგობარი გოგონაც აქ არიან.

ვიმედოვნებ, იმუშავებ, ივარჯიშებ და ისე გააგრძელებ, როგორც ახლა. გვინდა, აქ თამაშით გვასიამოვნო. “ბარსაში” სანახაობა ყოველთვის გვიყვარდა.

ბრაზილიელი პორტო ალეგრედან – ის იმ ბრაზილიელებს მახსენებს, რომლებმაც “ბარსას” სიხარული დაუბრუნეს.

სამბა “ბარსელონაში” ბრუნდება.

მართალი არაა, რომ კლუბი იძულებულია, ფრენკი დე იონგი გაყიდოს. ჩავი გადაწყვეტს, ის აშშ-ში წამოვა თუ არა.

ლევანდოვსკი “ბაიერნის” მოთამაშეა. სათქმელი არაფერი მაქვს, მათ პატივს ვცემთ.

შევეცდებით, ჩავის მოთხოვნები შევასრულოთ.

ლევანდოვსკის თაობაზე “ბაიერნს” ჩვენი შეთავაზებისთვის არ უპასუხია. მეტს ვერაფერს გეტყვით. 

აქ ყოფნა დიდი პატივია. მადლობა ყველას ამ შესაძლებლობისთვის. 

ყველაფერს გავაკეთებ, რომ “ბარსელონას” თავის ადგილას დაბრუნებაში დავეხმარო.

ბევრი კუმირი მყავს, რომლებიც აქ თამაშობდნენ და ისტორია შექმნეს. თუ მათ ნახევარს მივაღწევ, უკვე წარმატება იქნება.

ვაანალიზებ, რომ ბავშვობის ოცნება ამიხდა. პრეზიდენტსა და ყველა იმ ადამიანს, ვინც ტრანსფერზე მუშაობდა, მადლობას ვუხდი. Visca Barça y Visca Catalunya!

ჩავი ერნანდესს ერთხელ უკვე ვესაუბრე, რაც დიდი პრივილეგიაა. ის დიდებული ფეხბურთელი იყო და ახლა, ასეთივე მწვრთნელი ხდება. ვიმედოვნებ, ჩავი აქ წარმატების მიღწევაში დამეხმარება. 

როცა ბავშვი ვიყავი, “ბარსელონას” თამაშებს ჩემზე დიდი გავლენა ჰქონდა და ვოცნებობდი, რომ აქ მეც მეასპარეზა. არ მინდა, საკუთარი თავი რონალდინიოსნაირ ფეხბურთელებს შევადარო – ყველას თავისი სტილი აქვს.

გაუჩოსა და ნეიმარის ყურებამ, წარმატების აქ მიღწევის სურვილი გამიძლიერა.

“ბარსა”, თავისი დიდების გამო, ტიტულებისთვის ყოველთვის იბრძოლებს.

მატეუმ და დეკუმ ყველაფერი გააკეთეს, რომ ჩემი ოცნება ასრულებულიყო.

გავუკეთებ თუ არა საგოლე პასებს ლევანდოვსკის? ახლა მხოლოდ იმის თქმა შემიძლია, რომ ასისტებით ობამეიანგს, ფერანსა და ანსუს მოვამარაგებ – მოთამაშეებს, რომლებიც უკვე გვყავს. თუ პრეზიდენტს იმ ფეხბურთელებზე საუბარი არ სურს, რომლებიც აქ არ არიან, ამას არც მე ვაპირებ.

ფრენკი დე იონგი უმნიშვნელოვანესი მოთამაშეა და მასზე იმედებს ვამყარებთ, მაგრამ ფინანსური Fair Play ფეხბურთელების გაყიდვას გვაიძულებს.

მწვრთნელი გადაწყვეტს, ამერიკაში რომელი მოთამაშეები გაემგზავრებიან. ზოგიერთი მათგანი ჩავის გეგმებში არ შედის, რის გამოც ისინი განაცხადს მიღმა დარჩებიან, რათა ახალი კლუბები იპოვონ. 

დემბელე? მოლაპარაკებებზე საუბარი არ გვინდა. სპორტული თვალსაზრისით, უსმანთან ყოველთვის კარგი ურთიერთობა გვქონდა, მაგრამ კონტრაქტი ამოიწურა და მოთხოვნებს შორის დიდი სხვაობა იყო, რის გამოც, შეთანხმებას 8 თვე დასჭირდა.

გვესმოდა, რომ ფრანგს გუნდში მნიშვნელოვანი როლი ექნებოდა, მაგრამ კლუბის სახელფასო სტრუქტურას უნდა მორგებოდა. მისი გამოსასყიდი თანხა 100 მილიონი ევრო იქნება. 

კუნდე? კონკრეტული სახელების გამჟღავნება არ გვინდა, პირველ რიგში, სხვების პატივისცემისა და მოლაპარაკებებისთვის ხელის არშეშლის გამო. მწვრთნელის გეგმების მიხედვით, სატრანსფერო ბაზარზე სასურველ ვარიანტებს ვეძებთ.

ჩავის გვითხრა, რა სურს და ვმუშაობთ, რომ ფეხბურთელები, რომლებიც მას სჭირდება, მოვიყვანოთ. ვიფიქრობ, წინ კარგად მივიწევთ, მაგრამ მოთმინება გვმართებს.