სანაკრებო მატჩები – დანი ალვესი დაბრუნდა

სამხრეთ ამერიკაში მსოფლიო ჩემპიონატის შესარჩევი ეტაპი გრძელდება. დღეს, გამთენიას, სამი შეხვედრა გაიმართა.

ეკვადორი 1-1 ბრაზილია

ბრაზილიელებს ფინალური ეტაპის საგზური უკვე განაღდებული აქვთ, ეკვადორი კი მესამე ადგილზეა ბრძოლას აგრძელებს. ამ მატჩს განსაკუთრებული ინტრიგა არბიტრმა შესძინა. ვილმარ როლდანმა მე-15 წუთზე ჯერ ეკვადორელთა მეკარე ალექსანდრ დომინგესი გააძევა, 5 წუთში კი ყოფილ “ბარსელონელს”, ემერსონ როიალს, მეორე ყვითელი ბარათი აჩვენა. ათ წუთში ალისონის გაგდებასაც აპირებდა, თუმცა VAR-მა მას გადაწყვეტილება შეაცვლევინა. მატჩის ბოლოს, როლდანმა ალისონს წითელი ბარათი მეორედ აჩვენა, მაგრამ ბრაზილიელი VAR-მა კიდევ ერთხელ გადაარჩინა. 

32-ე წუთზე ფილიპე კოუტინიოს ნაცვლად, მოედანზე დანი ალვესი გამოვიდა. მან ეროვნულ ნაკრებში 120-ე შეხვედრა ჩაატარა. ისტორიაში, მასზე მეტი მატჩი მხოლოდ რობერტო კარლოსს (125) და კაფუს (142) აქვთ.

“სელესაოს” შემდეგი თამაში 2 თებერვალს, თბილისის დროით, 04:30 საათზე პარაგვაის წინააღმდეგ ელის.

პარაგვაი 0-1 ურუგვაი

ურუგვაიმ ოსკარ ტაბარესის წასვლის შემდეგ პირველად ითამაშა. რონალდ არაუხომ მარჯვენა მცველის პოზიციაზე იასპარეზა და მოედანზე 90 წუთი დაჰყო. 22-ე წუთზე მან ყვითელი ბარათი მიიღო.

გამარჯვების გოლი ლუის სუარესმა გაიტანა. ურუგვაელებმა 4-მატჩიანი წაგებათა სერია დაასრულეს და მე-4 პოზიციაზე გადაინაცვლეს, თუმცა კოლუმბიასა და პერუს 1 მატჩითა და 2 ქულით ნაკლები აქვთ. ეს ორი გუნდი ერთმანეთს დღეს დაუპირისპირდება.

ურუგვალები მომდევნო მატჩს 2 თებერვალს, თბილისის დროით, 03:00 საათზე ვენესუელას წინააღმდეგ გამართავენ.

ასევე, ითამაშა არგენტინის ნაკრებმაც. “ალბისელესტემ” ჩილე 2-1 დაამარცხა. მათ, ბრაზილიელების მსგავსად, გასვლა განაღდებული აქვთ. ნიკოლას ტალიაფიკომ, რომელიც “ბარსას” სატრანსფერო სამიზნეა, შეხვედრა სრულად ჩაატარა. ლეო მესი კი პოსტკოვიდური დისკომფორტის გამო, ლიონელ სკალონის გამოძახებული არ ჰყავს.