ერთი დღე “ბარსას” ისტორიაში – 29 ნოემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 29 ნოემბერს მოხდა.

თამაშები

29 ნოემბერს “ბარსელონამ” 17 ოფიციალური თამაში ჩაატარა, საიდანაც კატალონიელებმა 11 მოიგეს, 1 ფრედ დაასრულეს და 5 წააგეს.

1899 წელი

ხიმნასიო სოლეში შეკრების დროს დაარსდა საფეხბურთო კლუბი “ბარსელონა“.

1959 წელი

ენრიკ გენსანამ “ელ კლასიკოში” აპენდიციტის შეტევით ითამაშა, მაგრამ გუნდს ამან ვერ უშველა და “ბარსელონამ” 0-2 წააგო. თამაშის დასრულებისთანავე გენსანა სასწრაფოდ საოპერაციოდ წაიყვანეს.

2009 წელი

“ბარსელონამ” “ელ კლასიკო” ზლატან იბრაჰიმოვიჩის ერთადერთი გოლით მოიგო.

ეს თამაში პეპ გვარდიოლასთვის ლა ლიგაში მწვრთნელად ჩატარებული 50-ე შეხვედრა გამოდგა.

2010 წელი

“ბარსელონამ” “რეალ მადრიდი” 5-0 გაანადგურა. გოლები ჩავიმ, პედრომ, ვილიამ (2) და ხეფრენმა გაიტანეს.

2020 წელი

ლიონელ მესიმ “ოსასუნასთან” გატანილი გოლი დიეგო მარადონას ხსოვნას მიუძღვნა.