ჩავი მზადაა, გამოსასყიდი თანხის ნაწილი თავად გადაიხადოს | AS

ჩავი ერნანდესი “ბარსელონაში” დასაბრუნებლად ყველაფერს აკეთებს. AS-ის ინფორმაციით, “მაესტრო” მზადაა, “ალ სადთან” ვერ შეთანხმების შემთხვევაში, საკუთარი გამოსასყიდი თანხის (5 მილიონი) ნაწილი თავად გადაიხადოს.

დღეს, 41 წლის სპეციალისტი ყატარული კლუბის მფლობელს შეხვდა, რათა ის “ბარსელონაში” გაშვებაში დაერწმუნებინა, თუმცა მხარეებმა შეთანხმებას ვერ მიაღწიეს და გადაწყვიტეს, მოლაპარაკებები პარასკევს განაახლონ.

ჩავის “ალ სადისგან” პირობა ჰქონდა მიღებული, რომ კლუბი მას “ბარსელონაში” უფასოდ გაუშვებდა, თუმცა ჟოან ლაპორტას გადაწყვეტილებამ, ყატარში არ ჩასულიყო, “ალ სადის” გაოცება გამოიწვია და სიტუაცია ცოტათი არია, სწორედ ესაა იმის მიზეზი, რომ ყატარელები საქმეს აჭიანურებენ.

AS-ის ინფორმაციით, ერნანდესი მაინც იმედოვნებს, რომ “ალ სადი” თავდაპირველ შეთანხმებას პატიცს სცემს და მას მშობლიურ კლუბში დაბრუნების საშუალებას მისცემს.

წყაროს თანახმად, ჩავი, თანხმობის მიღებისთანავე, საკუთარ აგენტთან, ფერნანდო სოლანასთან ერთად, “ალ სადის” ოფისში წავა, რათა კონტრაქტი ოფიციალურად გაწყვიტოს.