ოფიციალურად: “ელ კლასიკოს” მსაჯი ცნობილია

ახლახანს მომდევნო “ელ კლასიკოს” მსაჯის ვინაობა ოფიციალურად ცნობილი გახდა.

როგორც მოსალოდნელი იყო, 10 აპრილს გასამართ “ბარსელონასა” და “რეალის” დაპირისპირებაში 44 წლის გამოცდილი არბიტრი ანტონიო მატეუ ლაოსი იმსაჯებს.

ლაოსს “ბარსელონას” 42 შეხვედრაში უმსაჯია. აქედან კატალონიელებმა 29 (69%) მოიგეს, 8 (19%) ფრედ დაასრულეს, 5 (12%) წააგეს. “ბლაუგრანამ” 91 ყვითელი და 6 წითელი ბარათი მიიღეს.

მატეუ ლაოსმა “რეალის” თამაშებში 41-ჯერ იმსაჯა. მადრიდელთა აქტივში 29 (71%) მოგება, 5 (12%) ფრე და 7 (17%) წაგებაა. “სამეფო კლუბმა” 92 ყვითელი და 4 წითელი ბარათი მიიღო.

რაც შეეხება “ელ კლასიკოს”, ესპანელმა არბიტრმა მსოფლიოს ყველაზე სანახაობრივი საფეხბურთო დაპირისპირება 5-ჯერ განსაჯა. აქედან “ბარსამ” ერთხელ მოიგო, “რეალმა” – 3-ჯერ, 1 მატჩი კი ფრედ დასრულდა. ლაოსმა ამ თამაშებში კატალონიელებს 15 ყვითელი ბარათი უჩვენა, მადრიდელებს კი – 17. მან “კლასიკოდან” “ბარსას” მხირდან ფეხბურთელი ერთხელ გააძევა, “რეალიდან” კი – არცერთხელ.

“ბარსასა” და “რეალის” შეხვედრა სტარტს შაბათს თბილისის დროით 23:00 საათზე აიღებს.