უსმან დემბელეს 2 ევროპული გრანდისგან შეთავაზება აქვს, მაგრამ ის “ბარსელონაში” ბედნიერია და კატალონიურ კლუბში დარჩენას აპირებს.
23 წლის ფრანგს კატალონიურ კარიერაში საუკეთესო პერიოდი უდგას. უსმანს ტრავმები არ აწუხებს და მისი ცხოვრების წესი მნიშვნელოვნადაა შეცვლილი. შედეგად დემბელე “ბარსას” სასტარტო შემადგენლობის წევრად იქცა. მიმდინარე სეზონში ჩატარებულ 36 თამაშში მან თავი 10 გოლითა და 4 შედეგიანი გადაცემით გამოიჩინა.
Mundo Deportivo-ს ცნობით დემბელეს, რომელსაც კონტრაქტი ერთი წლის შემდეგ უმთავრდება, “მანჩესტერ იუნაიტედი” და “იუვენტუსი” იწვევენ, მაგრამ ფრანგის პრიორიტეტი “ბარსელონაში” დარჩენაა.
დემბელესთვის კონტრაქტის გახანგრძლივება ერთ-ერთი პრიორიტეტია ჟოან ლაპორტასთვის, მაგრამ მას უსმანის ხელფასის მნიშვნელოვნად შემცირებაზე დათანხმება მოუწევს. ფრანგის წლიური გასამრჯელო 12 მილიონი ევროა და კლუბის მე-6 ყველაზე მაღალანაზღაურებადი ფეხბურთელია, “ბარსელონაში” კი ხელფასების შემცირება იგეგმება.
არ უნდა კარგია, სამი წელია ნერვებს გვახევს. ადგეს და წავიდეს სანამ დროა ესეც და გრიზმანიც თორემ ასე არასდროს გუნდი არ აეწყობა.
ძაან კარგი გადაწყვეტილებაა ხელფასების შემცირება.მგონი ამ მხრივ ერთ-ერთ მოწინავე პოზიციაზე ვართ ევროპაში.ძაან გაბერილია ხელფასები