1968 წლის 6 აპრილი. მეორე დღეს “ბარსელონამ” “რეალს” ძალიან მნიშვნელოვან თამაშში უნდა უმასპინძლოს. ლა ლიგის დასრულებამდე 4 ტურით ადრე “რეალი” წინ 3 ქულითაა. ვინაიდან მაშინ მოგება 2 ქულით ფასდებოდა, ეს არცთუ მცირე უპირატესობა იყო და იმას ნიშნავდა, რომ “ბარსელონას” აუცილებლად უნდა მოეგო.
როდესაც სრულიად ესპანეთი ამ თამაშის სამზადისში იყო, კატალონიაში შოკისმომგვრელი ინფორმაცია გავრცელდა – “ბარსელონას” 27 წლის ფეხბურთელი, ერთ-ერთი წამყვანი მცველი ხულიო სესარ ბენიტესი გარდაიცვალა. გარდაცვალების მიზეზი უცნაური იყო – ზღვის პროდუქტებით მოწამვლა.
ბენიტესი “ბარსელონას” გულშემატკივრების ერთ-ერთი საყვარელი მოთამაშე იყო. მათ ის არა მხოლოდ კარგი ფეხბურთელობის, არამედ პოზიტიური პიროვნების გამოც უყვარდათ. ამის გათვალისწინებით გასაკვირი არ ყოფილა, რომ 7 და 8 აპრილს, “კამპ ნოუზე” გამართულ პანაშვიდზე 150 ათასზე მეტი ადამიანი მივიდა. ეს ქალაქის ისტორიაში ერთ-ერთი ყველაზე მასშტაბური სამგლოვიარო ცერემონია იყო. ბენიტესი “კამპ ნოუს” სიახლოვეს, ლეს კორტსის სასაფლაოზე 8 აპრილს დაკრძალეს.
გადმოცემის თანახმად ბენიტესის ბოლო სიტყვები იყო “მიდით ბიჭებო, “რეალს” 2-0 მოუგეთ”.
ესპანეთის ფეხბურთის ფედერაციამ თამაში მხოლოდ 2 დღით გადადო და 9 აპრილს დანიშნა. “ბარსელონას” ფეხბურთელებს ბენიტესის თხოვნის შესრულების დიდი მოტივაცია არ ეტყობოდათ – ისინი მორალურად განადგურებულები იყვნენ. თამაში 1-1 დასრულდა და საბოლოოდ ჩემპიონი “რეალი” გახდა, რომელმაც 3 ქულიანი უპირატესობა ბოლომდე შეინარჩუნა. თუმცა იმავე წლის 11 ივლისს, “სანტიაგო ბერნაბეუზე” გამართულ ესპანეთის თასის ფინალში “ბარსამ” “რეალი” 1-0 დაამარცხა და ფეხბურთელებმა ეს გამარჯვება გარდაცვლილ მეგობარს მიუძღვნეს. ამ თასის მოგება ბენიტესის კარიერულ მიღწევებშიც ჩაიწერა.
სამწუხარო ამბავია🖤🖤
და უცნაურად ტრაგიკული რატომ იყო, პროსტო ტრაგედია მოხდა ხომ?
სამწუხაროა. რომ მოეგოთ კარგი იქნებოდა☹☹