“ბარსელონას” ჩემპიონთა ლიგის ფლეი ოფის პირველი შეხვედრა სულ მალე ექნება ჩასატარებელი. ხვალინდელ 23-ე ტურის შეხვედრაში კი, შესაძლოა, ზემდეტად გადახალისებული შემადგენლობა ვიხილოთ. 

გარდა იმისა, რომ პსჟ-სთან პრინციპული დაპირისპირება ახლოვდება, გუნდს ლაზარეთში ერთბაშად 8 ფეხბურთელი ჰყავს. ქვემოთ სამ სავარაუდო ტაქტიკურ მონახაზს განვიხილავთ, რომელიც, შესაძლოა, რონალდ კუმანმა “ალავესთან” გამოიყენოს.

ვარიანტი N1

რა თქმა უნდა, ლეო მესის პსჟ-სთან საუკეთესო ფორმაში ყოფნა მთავარი მიზანია. შესაბამისად, მას დასვენება ნამდვილად სჭირდება. 

ახალგაზრდა რიკი პუჩისთვის ძირითადი შემადგენლობიდან დასაწყებად იდეალური მომენტია, ისევე როგორც კლემან ლანგლესთვის, რომელმაც “სევილიასთან” 90 წუთი სათადარიგოთა სკამზე გაატარა.

ვარიანტი N2

თუ მესის დასვენებას კუმანი მეორე ტაიმში გადაწყვეტს, ეს თერთმეტეულიც განსახილველად რეალურია.

ოსკარ მინგესა სამუელ უმტიტის ჩაანაცვლებს. იქიდან გამომდინარე, რომ სერჟინიო დესტს მცირე ტრავმა ისევ აწუხებს, შესაძლოა, ჟუნიორ ფირპო მარჯვენა მცველის პოზიციაზე კვლავ მოგვევლინოს.

ვარიანტი N3

თუ მესისა და პუჩის ხილვა პირველივე წუთებიდან გსურთ, ეს საუკეთესო ვარიანტია.

4-3-3 ტაქტიკა გადახალისებული უკანა ხაზით და სოლიდური ნახევარდაცვით.