პიკეს ტრავმა – კარგი ამბავი “ბარსელონასთვის”?

ჟერარ პიკე “ბარსელონას” დიდი ხნით გამოაკლდა. გავრცელებული ინფორმაციით, უკეთეს შემთხვევაში 33 წლის ფეხბურთელი 3 თვეში დაგვიბრუნდება, უარეს შემთხვევაში კი 9 თვეში, ეს კი სეზონის უკვე დასრულებას ნიშნავს.

რამდენად დიდი დანაკლისია პიკე “ბარსელონასთვის”? პიკე წლებია კატალონიური გუნდის დაცვის ლიდერია. მართალია, ბოლო დროს “ბლაუგრანას” უკანა ხაზი ვერანაირ კრიტიკას ვერ უძლებს, მაგრამ პიკე გუნდისთვის მაინც დიდი ძალაა.

თუმცა, საპირისპიროზე მეტყველებს სტატისტიკა. საქმე ისაა, რომ წინა სეზონის სტარტიდან მოყოლებული “ბარსამ” პიკეს გარეშე 7 თამაში ჩაატარა და ყველა მათგანი მოიგო.

გასულ სეზონში “ბლაუგრანამ” პიკეს გარეშე “ეიბარი” (3-0), “დორტმუნდი” (3-1), “ინტერი” (2-1), “იბიცა” (2-1), “ბეტისი” (3-2) და “ალავესი” (5-0), ხოლო მიმდინარე სეზონში “იუვენტუსი” (2-0) დაამარცხა.

წინა 7 შემთხვევისგან განსხვავებით, ამჯერად, “ბარსელონას” პიკეს შემცვლელი ფიზიკურად არ ჰყავს.