ხვალ, 2020/21 წლების სეზონის პირველი “ელ კლასიკო” გაიმართება. “ბარსელონა” მადრიდის “რეალს” საშინაო არენაზე უმასპინძლებს. როგორც ყოველთვის, ლიონელ მესი მადრიდელების წინააღმდეგ თამაშში ყურადღების ცენტრშია, ამჯერად კი ლეოს მნიშვნელოვანი სერია აქვს დასასრულებელი.
“ბლაუგრანას” არგენტინელ კაპიტანს უკვე 900 დღეა, “რეალის” კარი არ აუღია. ბოლოს მან 2018 წლის 6 მაისს გაიტანა (ლა ლიგა, 2-2, “კამპ ნოუ”) – მატჩში, რომელშიც თავი მადრიდული გუნდის ყოფილმა ლიდერმა, კრიშტიანუ რონალდუმაც გამოიჩინა.
ამ დღის შემდეგ სულ 6 “კლასიკო” გაიმართა, რომელთაგანაც მესიმ მონაწილეობა 5-ში მიიღო. მან მოედანზე ჯამში 440 წუთი გაატარა.
ასე რომ, მესი “რეალს” განსაკუთრებული მოტივაციით შეხვდება და ეცდება, წარუმატებელი სერია დაასრულოს.
სამაგიეროდ საგოლე პასებს ანაწილებს, რა ქნას, დაგვიბერდა..
რაღაცა ანსუსგან უფრო ველი ვიდრე ამისგან😂😂
პენალტი თუ დაგვიდეს გაიტანს აბა ამ სეზონში ისე ვერ გააქ 😂