“ბარსას” ქალთა გუნდი “სევილიას” გაანადგურებით ფინალში გავიდა

“ბარსელონას” ქალთა გუნდმა მორიგი დამაჯერებელი გამარჯვება მოიპოვა. კატალონიელებმა ესპანეთის თასის ნახევარფინალში “სევილია” დაამარცხეს და ფინალის საგზური მოიპოვეს. 

“ბარსა” მთელი მატჩის განმავლობაში დომინირებდა. მე-4 წუთზე ანგარიში აზიზატ ოშოალამ გახსნა, მალევე კი ჰანსენმა და გიხარომაც გაიტანეს. ტაიმის ბოლოს ოშოალამ თავი კიდევ ერთხელ გამოიჩინა. მეორე ტაიმში “ბარსელონამ” გატანა კიდევ ორჯერ მოახერხა – გოლი ჯერ მელანი სერანომ შეაგდო, შემდეგ კი აიტანა ბონმატიმ შეხვედრის საბოლოო ანგარიში – 6:0 – დააფიქსირა. 

“კოპა დე ლა რეინას” ფინალში “ბლაუგრანას” მეტოქე “ლოგრონიო” იქნება. შეხვედრას, რომლის თარიღიც ჯერჯერობით უცნობია, მალაგა და “ლა როსალედა” უმასპინძლებს. 

“ესპანიოლთან” და “ლევანტესთან” ერთად, “ბარსელონა” ტურნირის ყველაზე წარმატებული გუნდია და გამარჯვების შემთხვევაში ტიტულების რაოდენობის მიხედვით ერთპიროვნული ლიდერი გახდება.