“იუვენტუსი” ქულებს კარგავს, რონალდუ სასაცილოდ დაბალ შეფასებას ღებულობს – ანალოგიურ მატჩში მესი მატჩის გმირი გახდა

ტურინის “იუვენტუსმა” მორიგი ქულები “სასუოლოსთან” შეხვედრაში დაკარგა (3-3) პორტუგალიელმა ვარსკვლავმა, კრიშტიანუ რონალდუმ კი საკმაოდ დაბალი შეფასება მიიღო – 6,3. აღსანიშნავია, რომ ანალოგიურ შეხვედრაში ლიონელ მესი მატჩის გმირი გახდა (9,5). 

ანალიტიკოსები მსოფლიო ფეხბურთის ორ საუკეთესო მოთამაშეს კვლავ ერთმანეთს ადარებენ, რონალდუმ ზემოთხსენებულ შეხვედრაში თავი ვერც გოლით და ვერც საგოლე გადაცემით გამოიჩინა, ყველაფერთან ერთად მან კარის მიმართულებითაც ვერ დაარტყა. 

ჩვენ მაგალითად მოგვყავს ანალოგიური შეხვედრა, სადაც ლიონელ მესი და “ბარსელონა” ლა ლიგაში “სელტას” დაუზავდა (2-2) გოლის გატანა ვერც არგენტინელმა მოახერხა, თუმცა მან აქტივში 2 საგოლე პასი ჩაიწერა, გუნდს პრაქტიკულად ქულა გადაურჩინა და მატჩის საუკეთესო მოთამაშეც გახდა. 

Whoscored ლეო მესის გამოსვლებს საშუალოდ 8,63 ქულით აფასებს, კრიშტიანუ რონალდუს კი 7,74-ით. 

აქვე შეგახსენებთ, რომ არგენტინელმა მიმდინარე სეზონში 40 ჩატარებულ შეხვედრაში 27 გოლს და 24 საგოლე გადაცემას მოუყარა თავი.