ბრაზილიური “გრემიოს” მთავარი მწვრთნელი რენატუ პორტალუპი მიიჩნევს, რომ, თუ “ბარსელონას” ნახევარმცველი არტური “იუვენტუსში” გადავა, ის ამით არაფერს დაკარგავს.
ბოლო დროს გავრცელებული ინფორმაციით, ტურინულ კლუბს 23 წლის ბრაზილიელი ფეხბურთელის შეძენა სურს.
“ვფიქრობ, “ბარსელონა” და “იუვენტუსი” შესანიშნავი კლუბები არიან, რომლებიც თავიანთ ქვეყნებში ზედა ეშელონში იმყოფებიან. ისინი პრესტიჟული ტიტულებისთვის ყოველთვის იბრძვიან.
“ბარსა” და “იუვე” ერთსა და იმავე დონეზე იმყოფებიან. ორივე მათგანი ბრწყინვალე და დიდი ისტორიის მქონე კლუბია.
არტურზე დაყრდნობა რომ შემეძლოს, მას არასდროს გავყიდდი. სამწუხაროდ, “გრემიო” იძულებული გახდა, ის გაეშვა, რადგან შემოთავაზებულ თანხაზე უარს ვერ ვიტყოდით”, – ციტირებს რენატუ პორტალუპის სიტყვებს Tribal Football.




სისულელეა ამის გაშვება და მეტი არაფერი
იმედია არტურს არ გაუშვებენ.