მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
ალეხანდრო ბალდეთი პსჟ და იუვენტუსი ინტერესდებიან

ალეხანდრო ბალდეთი პსჟ და იუვენტუსი ინტერესდებიან

მოკლედ
"ბარსელონას" მცველ ალეხანდრო ბალდეს, რომელსაც მიმდინარე სეზონში სათამაშო დრო თითქმის არ ეძლევა, პსჟ და "იუვენტუსი" აკვირდებიან. იტალიური კლუბი მის იჯარით დამატებას განიხილავს, პარიზელები კი ფეხბურთელს შესაძლო ტრანსფერების სიაში განიხილავენ.

ალეხანდრო ბალდეს მომავალი “ბარსელონაში” სულ უფრო გაურკვეველი ხდება. 23 წლის მარცხენა მცველი მიმდინარე სეზონში ჰანსი ფლიკის ნდობით ვერ სარგებლობს და ზამთრის სატრანსფერო ფანჯრის დროს კლუბის დატოვების შესაძლებლობას განიხილავს.

Mundo Deportivo-ს ინფორმაციით, ბალდე შექმნილ ვითარებას აცნობიერებს და მზად არის, სხვა კლუბში გადასვლაზე იფიქროს, სადაც რეგულარული სათამაშო პრაქტიკა ექნება.

ესპანელი მცველის მიმართ ინტერესი აქამდეც არსებობდა. “მანჩესტერ იუნაიტედი” მის მდგომარეობას დიდი ხანია აკვირდება, ხოლო გასულ ზაფხულს ფეხბურთელის აგენტმა ჟორჟე მენდეშმა ბალდე “მილანსა” და “რომასაც” შესთავაზა. ბოლო პერიოდში შესაძლო მსურველებს “მონაკოც” შეუერთდა.

ახლა კი იტალიური მედიის ცნობით, ბალდეს დამატების შესაძლებლობას კიდევ ორი ევროპული გრანდი განიხილავს.

TuttoMercatoWeb-ის ინფორმაციით, პსჟ-მ “ბარსელონას” მცველი პოტენციური შენაძენების სიაში შეიყვანა. თავის მხრივ, Corriere dello Sport წერს, რომ “იუვენტუსი” მზად არის, კატალონიური კლუბის აღზრდილი სეზონის ბოლომდე იჯარით დაიმატოს.

პარიზულ კლუბში მარცხენა მცველის პოზიციაზე ნუნუ მენდეში, ლუკა დინი და ლუკას ერნანდესი ირიცხებიან. თუმცა მენდეშის ბოლოდროინდელმა კუნთის ტრავმამ ლუის ენრიკე შეტევაზე ორიენტირებული მარცხენა მცველის გარეშე დატოვა.

ბალდეს სწორედ ამ დანაკლისის შევსება შეუძლია, თუმცა პარიზში გადასვლის შემთხვევაშიც ძირითად შემადგენლობაში ადგილი გარანტირებული არ ექნება.

განსხვავებული გეგმა აქვს “იუვენტუსს”. ტურინელები ბალდეს სეზონის დარჩენილი ნაწილისთვის დროებით გამოსავლად განიხილავენ. მათი გრძელვადიანი პრიორიტეტი კი “ატალანტას” მარცხენა მცველი ლორენცო ბერნასკონია, რომლის შეძენაც ზაფხულში სურთ.

ბალდესთვის მთავარი პრობლემა სათამაშო დროის სიმცირეა. მიმდინარე სეზონში მან “ბარსელონას” მაისურით მხოლოდ 5 მატჩში მიიღო მონაწილეობა და ჯამში 124 წუთი ითამაშა.

ამ მაჩვენებლით ალეხანდრო ბალდე პირველი გუნდის ყველაზე ნაკლებად დატვირთული ფეხბურთელია. შესაბამისად, თუ მისი მდგომარეობა უახლოეს პერიოდში არ შეიცვლება, ზამთარში კლუბიდან წასვლის საკითხი კიდევ უფრო აქტუალური გახდება.

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში

კომენტარები (0)

დატოვე კომენტარი