ფატის მამა: ანსუ “ბარსასგან” მეტს ვერაფერს მოითხოვს

“ბარსელონას” 17 წლის შემტევის, ანსუ ფატის მამა ბორი ფატი მისი შვილის მომავალთან დაკავშირების საუბრობს.

კითხვაზე, ხომ არ აპირებს ფატი იანვრის სატრანსფერო ფანჯრის დროს იჯარით სხვა გუნდში წასვლას, ბორი ასე პასუხობს: “რატომ უნდა წავიდეს ზამთარში? ის ახალგაზრდაა და “ბარსელონაში” ვარჯიშობს. მას შეუძლია საუკეთესოსგან ისწავლოს.” – ციტირებს ფატის სიტყვებს Marca.

ბორი ფატიმ მისი შვილის მიერ ახალი კონტრაქტის გაფორმების შესახებაც ისაუბრა: “ამ ამბავს ოჯახი ერთად აღვნიშნავთ. რამდენიმე წლის წინ ვერავინ იფიქრებდა, რომ მისი ოცნება ახდებოდა. ანსუ ძალიან ბედნიერია. ის კლუბისგან მეტს ვერაფერს მოითხოვს.”