ჩემპიონთა ლიგის მე-4 ტურის შეხვედრა “ბარსელონასა” და “ოლიმპიაკოსს” შორის უგოლოდ, 0-0 დასრულდა და ეს იყო პირველი შემთხვევა 2012 წლის შემდეგ, როცა კატალონიელებმა ევროპის ყველაზე პრესტიჟული ტურნირის ჯგუფური ეტაპის მატჩში გოლის გატანა ვერ მოახერხეს.
ბოლოს ეს 2012 წლის 5 დეკემბერს “კამპ ნოუზე” მოხდა. მაშინ კატალონიელები ლისაბონის “ბენფიკას” მასპინძლობდნენ. გოლი ვერც ერთი გუნდის ფეხბურთელებმა ვერ გაიტანეს. “ბარსელონასთან” მოპოვებული ქულის მიუხედავად, “ბენფიკა” ჯგუფში მხოლოდ მე-3 ადგილს დასჯერდა, “ბარსამ” კი ჯგუფის ლიდერობა ბოლომდე შეინარჩუნა. შეგახსენებთ, რომ ეს ის სეზონია, რომელშიც “ბარსელონა” ასპარეზობას ნახევარფინალში მიუნხენის “ბაიერნმა” გამოთიშა (ორი მატჩის ჯამში 7-0). საბოლოოდ “რეკორდმაისტერმა” ფინალში დორტმუნდის “ბორუსია” დაამარცხა და ტურნირი მოიგო.



ვილვარდეს დამსახურებაა :X
კოუტინიო ლიგაზე ვერ ითამაშებს და ლალიგაში რავი, ლა ლიგის მოგებას ბარსა კოუტინიოს გარეშეც შეძლებს, აი ლიგაზე კიდე აუცილებლად დაჭირდება
დარწმუნებული ვარ მაგრად მოიხოდებიან ბიჭები.დე ლიხტი კოუტინიო და ვერნერი ზამთარში გვჭირდება სამივე
უღიმღამოდ თამაშობენ ასე ძლიერი გუნდი დაგვჩაგრავს
ძალიან მიჭირს თქმა მაგრამ არ ვართ ჩვენ ამ სეზონში არაფრის მომგები გუნდი, ძალიან ცუდია