“ბარსელონას” სოციალური მიმართულების ვიცე-პრეზიდენტი ჟორდი კარდონერი, აგუსტი ბენედიტოს მიერ ამჟამინდელი ხელმძღვანელობის მიმართ უნდობლობის აღძვრასთან დაკავშირებით კომენტარს აკეთებს.
“ახლა ამისთვის შესაფერისი დრო არ იყო. მიგვაჩნია, რომ ამ პროცესების დრო უფრო სეზონის ბოლოსაა და არა ახალი სეზონის დასაწყისში.” – ციტირებს კარდონერის სიტყვებს “ბარსას” ოფიციალური ვებგვერდი.
ჟოზეპ მარია ბართომეუსა და მისი გუნდის წინააღმდეგ უნდობლობის საკითხი გუშინ აღიძრა, დღეს კი კლუბის წევრები ხმის მიცემას დაიწყებენ. თუ 16 570-მა წევრმა ხმა ამჟამინდელი ხელმძღვანელობის წინააღმდეგ მისცა, მას გადადგომა მოუწევს.
