“ბარსელონა” და “იუვენტუსი”, ანდრე გომეშის ტრანსფერთან დაკავშირებით, მოლაპარაკებებს აწარმოებენ, მაგრამ შეთანხმებას ჯერ ვერ აღწევენ. ამ ინფორმაციას Football Italia ავრცელებს.
წყაროს ცნობით, ტურინული კლუბი კატალონიელთა პორტუგალიელი ნახევარმცველის შეძენითაა დაინტერესებული. კლუბების ინტერესები, ძირითადად, ერთმანეთს ემთხვევა: “ბარსელონას” გომეშის გაყიდვა ან განათხოვრება და “იუვენტუსისთვის” გამოსყიდვის უფლების დატოვება უნდა და სწორედ ამ ორ ვარიანტს განიხილავს “ბებერი სინიორაც”. აზრთა სხვადასხვაობა კი დეტალებშია, რომელიც, ჯერჯერობით, უცნობია.


