მიონხენგლადბახის “ბორუსიას” სპორტულმა დირექტორმა, მაქს ებერლმა უსმან დემბელე მისი საქციელის გამო მკაცრად გააკრიტიკა.
“ნორმალურია, როცა მოთამაშე კლუბის ხელმძღვანელობას მიღებული მომგებიანი წინადადების შესახებ ამცნობს და ეუბნება, რომ მას პროგრესირების შანსი აქვს. მაგრამ წასვლის სურვილის საჯაროდ გამოთქმა და აჯანყება… ეს ფეხბურთისთვის საზიანოა და ამ სპორტის არასწორი განვითარებაა.”-ციტირებს ებერლის სიტყვებს Sport1.
როგორც იცით, “ბარსელონაში” ტრანსფერის დაჩქარების მიზნით დემბელემ “ბორუსიას” სავარჯიშო სესიები გამოტოვა.



