დღეს გავრცელდა ინფორმაცია, რომ “გუანჩჟოუ ევერგრანდის” ბრაზილიელმა ფეხბურთელმა, პაულინიომ, “ბარსელონასთან” კონტრაქტი გააფორმა.
ესპანეთის სუპერ თასის წინა პრესკონფერენციაზე “ბარსას” მთავარი მწვრთნელი, ერნესტო ვალვერდე ამ თემასაც შეეხო.
“მე ვერაფერს დავადასტურებ. საუბრები უამრავ ფეხბურთელზე მიდის და ასე იქნება 31 აგვისტომდე. თუმცა, მე დარწმუნებული ვარ, რომ პაულინიო “რეალთან” შეხვედრის დროს ჩვენი გუნდის წევრი არ იქნება.” – განაცხადა ვალვერდემ.



