AS იტყობინება, რომ “ბარსელონას” თავდამსხმელი, კრისტიან ტელიო მომდევნო სეზონში “ბეტისის” ღირსებას დაიცავს.
წყაროს ინფორმაციით, ანდალუსიური და კატალონიური კლუბები შეთანხმდნენ, ტრანსფერი კი უახლოეს საათებში დადასტურდება. მხარეებს მხოლოდ რამდენიმე დეტალი დარჩათ შესათანხმებელი.
“ბეტისი” “ბლაუგრანას” ტელიოს სანაცვლოდ დაახლოებით, 6 მილიონ ევროს გადაუხდის. თავად კრისტიანი კი ანაზღაურების სახით წელიწადში 2 მილიონ ევროს მიიღებს. ახლო წარსულში ფეხბურთელის აგენტმა, ხოსეპ მარია ორობიტგმა განაცხადა, რომ ესპანელმა რუსულ კლუბებს, “ზენიტსა” და “სპარტაკს” უარი უთხრა.



