ვებგვერდმა WhoScored, რომელიც ყოველ თამაშში ფეხბურთელების რეიტინგს სტატისტიკის დეტალური შეფასების შედეგად ადგენს, ლა ლიგის 2016/17 წლების სეზონის სიმბოლური გუნდი შეადგინა.
იმის მიუხედავად, რომ “ბარსელონა” მხოლოდ მე-2 ადგილზე გავიდა, კატალონიურ გუნდს, სიმბოლურ ნაკრებში, მაინც “რეალზე” მეტი წარმომადგენელი ჰყავს. ესენი არიან ლიონელ მესი, ნეიმარი და ლუის სუარესი. იგივე შედეგი აქვს მადრიდის “ატლეტიკოსაც”.
ლა ლიგის სიმბოლური გუნდი ასე გამოიყურება: პაჩეკო (ალავესი); კარვახალი (რეალი), გოდინი (ატლეტიკო), ალვარესი (ბილბაო), ფ. ლუისი (ატლეტიკო); მესი (ბარსელონა), ილიარამენდი (სოსიედადი), კროოსი (რეალი), ნეიმარი (ბარსელონა); გრიზმანი (ატლეტიკო), სუარესი (ბარსელონა).
