The Sunday Times იტყობინება, რომ ლონდონის “ჩელსის” “ბარსელონას” ფორვარდის, ნეიმარ და სილვას გაფორმება სურს.
წყაროს თანახმად, “ლურჯები” “ბლაუგრანას” ტრანსფერის სანაცვლოდ 200 მილიონ ევროს შესთავაზებენ, თავად ბრაზილიელს კი მსოფლიოში ყველაზე მაღალანაზღაურებად ფეხბურთელად აქცევენ. ამჟამად ამ სტატუსს კარლოს ტევესი ატარებს, რომელსაც “შანხაი შენხუა” წელიწადში 37 მილიონ ევროს უხდის.
ადრე მედიამ დაწერა, რომ ნეიმარის გაფორმება “მანჩესტერ იუნაიტედსაც” სურს. თავად ბრაზილიელის განცხადებით, ის კლუბის დატოვებას არ გეგმავს.



