“ბარსელონას” ხელმძღვანელობას ანდრეს ინიესტასთან კონტრაქტის გახანგრძლივება 30 ივნისამდე სურს. მოცემულ მომენტში მხარეები ხელშეკრულების უკანასკნელ დეტალებზე თანხმდებიან. კაპიტანი 2-წლიან კონტრაქტს მოაწერს ხელს, რომლის კიდევ ერთი წლით გადავადების შესაძლებლობა ექნება.
კატალონიური კლუბი ინიესტას თავის სამომავლო გეგმებსაც უკავშირებს. Marca-ს ინფორმაციით, ესპანურ გრანდს სურს, რომ კარიერის დასრულების შემდეგ ანდრესმა მუშაობა საფეხბურთო აკადემია “ლა მასიაში” განაგრძოს.
მოსალოდნელია, რომ ნახევარმცველი “ლა მასიის” სპორტულ პროექტებს უხელმძღვანელებს. გუნდის ფილოსოფია უცვლელია: “ბარსელონა” ფსონს აკადემიის მიერ აღზრდილ ფეხბურთელებზე აკეთებს. თავად ინიესტას ამ შემოთავაზებაზე ჯერჯერობით, არ უპასუხია.
ინიესტას კონტრაქტი “ბარსელონასთან” 2018 წელს იწურება.



