“ბარსელონას” სპორტულმა დირექტორმა, რობერტ ფერნანდესმა ისაუბრა იმის შესახებ, თუ როგორი უნდა იყოს კატალონიური კლუბის ახალი მთავარი მწვრთნელი.
“კარგი იქნება “ბარსელონას” მთავარი მწვრთნელის პოსტზე ისეთი სპეციალისტის ხილვა, რომელიც გუნდთან და მის სისტემასთან კავშირშია.” – ამბობს ფერნანდესი.
როგორც იცით, ლუის ენრიკე მიმდინარე სეზონის ბოლოს გუნდს დატოვებს. ჯერჯერობით, მისი პოსტის მთავარი პრეტენდენტი “ატლეტიკის” თავკაცი, ერნესტო ვალვერდეა, რომელიც “ბარსელონას” ღირსებას 1988-90 წლებში იცავდა.
ენრიკეს შემცვლელის ვინაობას ივლისამდე ვერ გავიგებთ.



