“პარი სენ-ჟერმენის” პრეზიდენტმა ნასერ ალ-ხელაიფიმ უეფას ჩემპიონთა ლიგის 1/8 ფინალის წილისწყრის თაობაზე კომენტარი გააკეთა. ფრანგულ გუნდს “ბარსელონასთან” დაპირისპირება ხვდა წილად.
“კვლავ “ბარსელონა” მოგვიწია. ამ გუნდს ძალიან დიდ პატივს ვცემთ. 4 სეზონის განმავლობაში “პარი სენ-ჟერმენმა” მათ წინააღმდეგ 6-ჯერ ითამაშა, ასე რომ ეს დაპირისპირება ჩემპიონთა ლიგის კლასიკაა. ქომაგებს ორი შესანიშნავი მატჩი ელით.” – ციტირებს ალ-ხელაიფის პსჟ-ს პრეს-სამსახური.
