“ბარსელონას” მთავარი მწვრთნელი ხერარდო მარტინო, “გრანადასთან” წაგებული თამაშის (0:1) შემდეგ აღიარებს, რომ ესპანეთის ჩემპიონის ბედი კატალონიური გუნდის ხელში აღარაა.
“პრიმერა წაგებულია? ახლა, ყველაფერი ჩვენს ხელში აღარაა.
ფეხბურთელებს ვერ დავადანაშაულებ. ისინი შეტევებს განაგრძობდნენ. საგოლე მომენტები გვქონდა, მაგრამ შეტევების დაგვირგვინებას ვერ ვახერხებდით.
ასეთ თამაშებში შეიძლება 4:0 ან 5:0 მოიგო, მაგრამ დღეს ჩვენი შანსები ვერ გამოვიყენეთ. ზოგჯერ, ფეხბურთში ასეც ხდება.
ბოლომდე ბრძოლას ვაპირებთ. ეს ესპანეთის თასსაც ეხება.” – განაცხადა თამაშის შემდეგ მარტინომ.
