ანდრეას კრისტენსენი, სავარაუდოდ, “ბარსელონას” ლა ლიგის მომდევნო მატჩში ვერ დაეხმარება. Mundo Deportivo-ს ინფორმაციით, 30 წლის დანიელი მცველი კვლავ ფიზიკურ დისკომფორტს განიცდის და დიდი ალბათობით, ჰანსი ფლიკის განაცხადს მიღმა დარჩება.
კრისტენსენს პარასკევს, 20 ნოემბერს, “ბარსელონას” საწვრთნელ ბაზაზე გამართულ ვარჯიშში მონაწილეობა არ მიუღია. მისი მდგომარეობის გათვალისწინებით, სამწვრთნელო შტაბი რისკის თავიდან აცილებას და ფეხბურთელისთვის დასვენების საშუალების მიცემას ამჯობინებს.
დანიელმა მცველმა 19 სექტემბერს, “სევილიასთან” მატჩში, მარცხენა ბარძაყის ოთხთავა კუნთი დაიზიანა. ხანგრძლივი მკურნალობის შემდეგ ის მოედანს 8 ნოემბერს, “ატლეტიკოსთან” შეხვედრაში დაუბრუნდა და 30 წუთი ითამაშა.
ამჯერად კრისტენსენის მდგომარეობა კვლავ საეჭვოა. მიუხედავად იმისა, რომ მისი არყოფნა ოფიციალურად ჯერ არ დადასტურებულა, არსებული ვითარებიდან გამომდინარე, “ვილიარეალთან” მისი თამაში ნაკლებად მოსალოდნელია.
ამასთან, “ბარსელონასთვის” სასიხარულო ამბავია ჟიულ კუნდეს გუნდურ ვარჯიშებზე დაბრუნება. ფრანგი მცველი პარასკევის საწვრთნელ პროცესში მონაწილეობდა.




30 წუთი ითამაშა და აწი კი იყო დრო ტრავმა მიეღო 😡