“ბარსელონამ” მადრიდის “ატლეტიკოსთან” გასამართი მატჩის წინ ბოლო ვარჯიში ჩაატარა. ჰანსი ფლიკის გუნდი ლა ლიგის მე-12 ტურის შეხვედრისთვის მზადებას ასრულებს და მადრიდში კვირა დილით გაემგზავრება.
კლუბის ოფიციალური ვებგვერდის ინფორმაციით, 7 ნოემბერს გამართულ ვარჯიშში პირველი გუნდის ყველა ხელმისაწვდომი ფეხბურთელი მონაწილეობდა. განსაკუთრებით მნიშვნელოვანი სიახლე ერიკ გარსიასა და ანდრეას კრისტენსენის საერთო ჯგუფში დაბრუნებაა. გერმანელი სპეციალისტის თქმით მცველები განაცხადშიც მოხვდებიან.
ვარჯიშში “ბარსა ატლეტიკის” ოთხი ფეხბურთელიც მონაწილეობდა: ჰამზა აბდელკარიმი, ტუნკარა, კამპოსი და ბონფილი.
“ატლეტიკოსთან” შეხვედრას სატურნირო თვალსაზრისით განსაკუთრებული მნიშვნელობა აქვს. “ბარსელონა” ლა ლიგის ლიდერია, დიეგო სიმეონეს გუნდი კი მას მხოლოდ ორი ქულით ჩამორჩება.
გამარჯვების შემთხვევაში კატალონიელები უპირატესობას გაზრდიან და სანაკრებო პაუზაზე ლიდერის პოზიციიდან გავლენ. მარცხის შემთხვევაში კი პირველ ადგილზე “ატლეტიკო” გადაინაცვლებს.
კლასიკოს წინ გვქონდა შანსი რეალისთვის 9 ქულით, ხოლო ნაჯახებისთვის 5 ქულით გაგვესწრო. ახლა კი შეიძლება მეორე ადგილზე აღმოვჩნდეთ და რეალი გაგვითანაბრდეს.