ჰანსი ფლიკის “ბარსელონას” მორიგი გამარჯვება: სტამბოლში, “ალი სამი იენზე” “გალათასარაის” 4-1 დამარცხებით კატალონიელებმა 2026/27 წლების სეზონში ყველა ტურნირზე ზედიზედ მეათე შეხვედრა მოიგეს, რაც “ბლაუგრანასთვის” ნამდვილი საოცნებო სტარტია.
2-დან 2 ჩემპიონთა ლიგაზე
უეფას ჩემპიონთა ლიგაზე ჰანსი ფლიკის გუნდმა შესაძლო ექვსიდან ექვსივე ქულა მოიპოვა. პირველ ტურში შინ “ფეიენორდის” განადგურებას (5-1) თურქეთში მოპოვებული დამაჯერებელი გამარჯვებაც დაემატა.
რვა გამარჯვება ლა ლიგაში
ესპანეთის ჩემპიონატი “ელჩესთან” (5-0) და “ვალენსიასთან” (5-0) გასვლითი გამარჯვებებით დაიწყო, რასაც შინ “ატლეტიკთან” და “რაიო ვალეკანოსთან” მოპოვებული სამ-სამი ქულა მოჰყვა. “ლევანტესთან” საგარეო მოგების შემდეგ, გუნდმა “რასინგ სანტანდერი” 7-2 გაანადგურა, “სანჩეს პისხუანზე” “სევილიასთან” მატჩი შემოატრიალა (3-1), ხოლო სანაკრებო პაუზის შემდეგ “სპოტიფაი კამპ ნოუზე” “ხეტაფეს” დამაჯერებლად სძლია (3-0).
შემდეგი სამიზნე: 1968 წლის ეროვნული რეკორდი
ჰანსი ფლიკის გუნდის მომდევნო მიზანი ლა ლიგის სტარტის ისტორიული რეკორდის გამეორებაა. თუ შაბათს “ბლაუგრანა” “ლა კარტუხაზე” გასვლით მატჩში “რეალ ბეტისს” დაამარცხებს, “რეალ მადრიდის” 1968/69 წლების სეზონის ისტორიულ მიღწევას გაიმეორებს, როდესაც მათ ჩემპიონატის სტარტზე ზედიზედ ცხრა მატჩი მოიგეს.
ისე ბეტისი ხეტაფეზე ბევრად ტექნიკური გუნდია, და მასთან უფრო ადვილია თამაში ვიდრე ხეტაფესთან, ხეტაფე არც თვითონ თამაშობს და არც შენ გაძლევს საშუალებას ითამაშო. ბეტისს მოვუგებთ ლამაზი თამაშით, შეიძლება დიდი ანგარიშით არა მაგრამ საყურებლად ლამაზი თამაშით.