ასტონ ვილას მარკ ბერნალი სურს

ინგლისში იუწყებიან, რომ ამ ზაფხულში “ასტონ ვილას” მთავარი პრიორიტეტი “ბარსელონას” 19 წლის ცენტრალური ნახევარმცველის, მარკ ბერნალის ტრანსფერია. მორგან როჯერსის “ჩელსიში” 137 მილიონ ევროდ გაყიდვის შემდეგ ინგლისურმა კლუბმა დიდი ფინანსური შემოსავალი მიიღო და ჩემპიონთა ლიგაზე სათამაშოდ შემადგენლობის გაძლიერება სურს.

ინტერესი ინგლისიდან

გაზეთ The Sun-ის ცნობით, ბერნალი უნაი ემერის მთავარი სამიზნეა და “ასტონ ვილა” მზადაა, ესპანელის სანაცვლოდ “ბარსელონას” 30 მილიონი გირვანქა სტერლინგი (35 მილიონი ევრო) შესთავაზოს. ეს ფასი საკმაოდ დაბალი ჩანს იმ ფეხბურთელისთვის, რომელიც ჰანსი ფლიკისთვის მნიშვნელოვანი ფიგურაა და მომავალ სეზონში კიდევ უფრო დიდ როლს ითამაშებს – განსაკუთრებით ფრენკი დე იონგის ტრავმის ფონზე.

აღნიშნული ინფორმაცია ასევე მიუთითებს, რომ ბერნალის ტრანსფერით კიდევ ერთი კლუბი, “მანჩესტერ სიტიც” არის დაინტერესებული. “ქალაქელები” ამ ვარიანტს როდრის შესაძლო წასვლის გამო განიხილავენ, რომელსაც “რეალ მადრიდს” და უფრო შორეულ პერსპექტივაში, “ბარსელონას” უკავშირებენ.

“ბარსელონას” პოზიცია

ინგლისიდან გავრცელებული ცნობების მიუხედავად “ბარსელონაში” მარკ ბერნალის წასვლას არ განიხილავენ და სჯერათ, რომ ის აწმყოსა და მომავლის საკვანძო ფიგურა იქნება. ახალგაზრდა ფეხბურთელს კლუბთან კონტრაქტი 2029 წლამდე აკავშირებს და მისი გამოსასყიდი თანხა 500 მილიონ ევროს შეადგენს. ეს ახალგაზრდა ნახევარმცველის მიმართ ნდობის მკაფიო გამოხატულებაა, რომელსაც თავისი ცხოვრების კლუბში წარმატების მიღწევის სურვილი და ამბიცია აქვს.