ესპანეთის ნაკრებისა და ბილბაოს “ატლეტიკის” მცველი, აიმერიკ ლაპორტი დიდი ყურადღების ცენტრში მოექცა მას შემდეგ, რაც მსოფლიო ჩემპიონატზე შესანიშნავი შთაბეჭდილება დატოვა და პაუ კუბარსისთან ერთად დაცვის ცენტრში საიმედო ტანდემი შექმნა.
AS-ის ცნობით, “ბარსელონას” სპორტული დირექტორი დეკუ მსოფლიო ჩემპიონატის მიმდინარეობისას ლაპორტის სიტუაციით დაინტერესდა და ესპანელის სანახავად მატჩს პირადადაც დაესწრო.
ბასკების გადამწყვეტი პასუხი
“ატლეტიკის” წარმომადგენლებმა ამას გადამწყვეტი პასუხი გასცეს. მათ დაადასტურეს, რომ მცველთან გამოსამშვიდობებლად 80 მილიონი ევროა საჭირო. კლუბში სრულად არიან დარწმუნებულნი მის მნიშვნელობაში, განსაკუთრებით იმ დიდი ძალისხმევის შემდეგ, რაც მან გასულ ზაფხულს გასწია, რათა დაბრუნებულიყო იქ, სადაც მისი პროფესიონალური კარიერა დაიწყო.
რთული დაბრუნება ბილბაოში
ცენტრალურმა მცველმა საუდის არაბეთის “ალ-ნასრთან” თანამშრომლობა 2025 წლის ზაფხულში დაასრულა, თუმცა ფიფამ თავდაპირველად დაადგინა, რომ მისი სატრანსფერო პროცედურები დათქმულ დროში არ დასრულებულა. ამან მისი საერთაშორისო სატრანსფერო სერტიფიკატის გაცემა შეაფერხა.
“ატლეტიკისა” და ესპანეთის ფეხბურთის ფედერაციის აპელაციამ ეს გადაწყვეტილება შეცვალა და მცველი ბასკურ კლუბში წასვლიდან რვა წლის შემდეგ დაბრუნდა.
ნაკრების საკვანძო ფიგურა
ესპანეთის ნაკრებში დებიუტის შემდეგ, ლაპორტი ყოველთვის საკვანძო ფიგურა იყო, როცა ფორმაში იმყოფებოდა – როგორც ყოფილი მწვრთნელის, ლუის ენრიკეს, ისე ლუის დე ლა ფუენტეს დროს. კრიტიკოსები ეჭვქვეშ აყენებდნენ, იმსახურებდა თუ არა ის ადგილს მსოფლიო ჩემპიონატზე, თუმცა ტურნირზე ნაჩვენებმა თამაშმა ისინი გააჩუმა.
ოფიციალური მოთხოვნა და მკაფიო პოზიცია
პრესაში გავრცელებული ცნობები ლაპორტის სახელს “რეალ მადრიდსაც” უკავშირებენ, თუმცა დანამდვილებით ცნობილია, რომ სწორედ “ბარსელონაა” ის კლუბი, რომელმაც დეკუს მეშვეობით ოფიციალური მოთხოვნა გაგზავნა. ბილბაოს “ატლეტიკის” პოზიცია ნათელი რჩება: ისინი ფეხბურთელს 80 მილიონ ევროზე ნაკლებად არ შეელევიან.
ლაპორტს ბილბაოს “ატლეტიკთან” კონტრაქტის დასრულებამდე ორი წელი რჩება.
იმედია ვცდები და მართლა მოიყვანენ მემარცხენე, გამოცდილ ცენტრალურ მცველს. ინტერმა უკვე იყიდა ბასტონის შემცვლელი.1% მაგის შანსი, მაგრამ უცებ რომ დაიდოს ნიუსი ბარსამ ბასტონი გაიფორმაო იმინა გაასწორებს. არც ლაპორტი გვაწყენს 2 სეზონი დაგვხატავს. მაგრამ მგონია რომ ბასტონის ტრანსფერის ტრაკი არ აქვს დეკოს და ლაპორტი რატომღაც ვფიქრობ რომ ვირთხას არ მოწონს ასაკის გამო.
ამათ ატლეტიკოსაც კი გადაუჯოკრეს ღორობაში. გაუშვან ნახუი. 80 მილიონი ალვარესი არ ღირს.
8 მილიონი უწერია ტრანსფერმარკეტზე. 10 ზე გაამრავლეს ტიპებმა. 80 მილიონი საიდან მოიტანეს. ფეიკნიუსიც აღარ ჰქვია ამ ამბავს.
ცოტას ათამაშდებიან და მერე უწევენ ფასს 15 მილიონზე მეტის გადახდა არ ღირს
მადა იცოცხლე აქვთ. ჩემი აზრით 30-40 და თვითონ ფეხბურთელის სურვილიც საკმარისი იქნება
30 -40 ძალიან ბევრია 32 წლის ფეხბურთელში