ბარსელონა აიმერიკ ლაპორტის ტრანსფერით დაინტერესდა

აიმერიკ ლაპორტის თამაში მსოფლიო ჩემპიონატზე შეუმჩნეველი არ დარჩენილა. ესპანელმა ცენტრალურმა მცველმა უმაღლესი დონის ტურნირი ჩაატარა და პაუ კუბარსისთან ერთად, მსოფლიო ჩემპიონი ნაკრების დაცვის ერთ-ერთ მთავარ ფიგურად იქცა. მისმა თამაშმა რამდენიმე კლუბის ინტერესი გამოიწვია და “ბარსელონა” მის სიტუაციას ძალიან ყურადღებით აკვირდება.

იმდენად, რომ Sport-ის ინფორმაციით, “ბარსელონა” უახლოეს დღეებში ან საათებშიც კი გეგმავს აიმერიკ ლაპორტის გარემოცვასთან დაკავშირებას, რათა პირველწყაროსგან გაიგოს, როგორია მისი სამომავლო გეგმები. “ბარსელონას” ეს ვარიანტი ძალიან მოსწონს, რადგან ის ცაციაა, იაფი ჯდება და ის გამოცდილება, რაც კლუბს ასე ძალიან სჭირდება. დეკუს აშშ-ში ყოფნისას უკვე შედგა საწყისი საუბრები და მხარეები შეთანხმდნენ, რომ მსოფლიო ჩემპიონატის დასრულების შემდეგ ისევ ისაუბრებდნენ.

ლაპორტა და დეკუ მას უშუალოდ აკვირდებოდნენ

კატალონიელთა სპორტულმა დირექტორმა ტურნირის რამდენიმე მატჩს თვალი უშუალოდ მიადევნა და 32 წლის მცველის ნაჩვენები დონით ძალიან კმაყოფილი დარჩა. კლუბში სჯერათ, რომ მას წინ უმაღლეს დონეზე სათამაშოდ კიდევ რამდენიმე სეზონი აქვს დარჩენილი და განსაკუთრებულად აფასებენ მის გამოცდილებას, ლიდერულ თვისებებსა და ბურთის ამოტანის უნარს. გარდა ამისა, მისი გამოსასყიდი თანხა 15 მილიონ ევროზე ნაკლებია, რაც ამ ტრანსფერს ეკონომიკური თვალსაზრისით ძალიან მიმზიდველს ხდის.

მსოფლიო ჩემპიონატზე ლაპორტის თამაშმა ეს იდეა კიდევ უფრო გაამყარა. მისი და პაუ კუბარსის ურთიერთგაგება ესპანეთის წარმატების ერთ-ერთი მთავარი გასაღები იყო. მათ ჩემპიონატზე ცენტრალური მცველების ერთ-ერთი ყველაზე მყარი წყვილი შექმნეს და მათმა საიმედოობამ დაცვაში ნაკრების მიერ ტიტულის მოგებაში გადამწყვეტი როლი ითამაშა.

“ბარსელონაში” ასევე იხსენებენ იმ შესანიშნავ შედეგს, რაც კიდევ ერთ გამოცდილ ბასკ მცველზე, ინიგო მარტინესზე ფსონის დადებამ მოიტანა. მისმა ტრანსფერმა თავის დროზე ეჭვები გააჩინა, მაგრამ საბოლოოდ, თავისი თამაშისა და დაცვაში შეტანილი სიმტკიცის წყალობით, ის გუნდის ფუნდამენტურ ფიგურად იქცა. ეს პრეცედენტი ლაპორტის სასარგებლოდ მოქმედებს, რომლის მახასიათებლებსაც სამწვრთნელო შტაბი ძალიან აფასებს.

ნებისმიერ შემთხვევაში, კლუბს სურს, რომ ფრთხილად იმოქმედოს. ისინი ფეხბურთელის გარემოცვას უკვე დაუკავშირდნენ და მათი იდეაა, რომ მოლაპარაკებები მომდევნო დღეებშიც გააგრძელონ, რათა დაცვის ცენტრის გასაძლიერებლად ტრანსფერს ფორმა მისცენ.

ამ საუბრის შემდეგ, დეკუ გადაწყვეტს, ღირს თუ არა კიდევ ერთი ნაბიჯის გადადგმა, თუ ყველაფერი მხოლოდ პირველადი კონსულტაციით შემოიფარგლება. ამჟამად ინტერესი არსებობს, კონტაქტი დაგეგმილია და აიმერიკ ლაპორტის სახელი “ბარსელონას” სპორტული დირექტორის დღის წესრიგში უკვე აქტიურად ფიგურირებს.