ჩემპიონები სამუშაო პროცესს დაუბრუნდნენ. ორშაბათს, 13 ივლისს, 2026/27 წლების სეზონის წინასასეზონო მზადების პირველ დღეს, ფეხბურთელებმა ვარჯიშის განახლებამდე სამედიცინო შემოწმება გაიარეს. “სიუტატ ესპორტივას” ბაზაზე შემოწმების გასავლელად ჯამში 25 მოთამაშე გამოცხადდა.
24 ფეხბურთელი პირველ დღეს
სამედიცინო შემოწმება პირველი გუნდის 10-მა ფეხბურთელმა გაიარა: ვოიცეხ შჩესნიმ, მარკ-ანდრე ტერ შტეგენმა, ალეხანდრო ბალდემ, ანდრეას კრისტენსენმა, ფერმინ ლოპსმა, მარკ კასადომ, ჟერარ მარტინმა, მარკ ბერნალმა, ექტორ ფორტმა და რუნი ბარდჯიმ. მათთან ერთად ტესტირებაზე იმყოფებოდა 15 მოთამაშე “ბარსელონა ატლეტიკისა” და ახალგაზრდული გუნდების შემადგენლობებიდან: არონ იააკობიშვილი, ჟოფრე, ალვარო კორტესი, ჰაფიზ გარიბა, ტომი მარკესი, ორიან გორენი, ებრიმა ტუნკარა, იბრაჰიმ დიარა, გილერმო ფერნანდესი, ალექს გონსალესი, შეინ კლუივერტი, ტონი ფერნანდესი, ოსკარ ჟისტაუ, ჩავი ესპარტი და მსოფლიო ჩემპიონატის მონაწილე ჰამზა აბდელკარიმი.
პირველი ვარჯიში სამშაბათს
ორშაბათს ჩატარებული სამედიცინო შემოწმების შემდეგ, გუნდი ვარჯიშს სამშაბათს, თბილისის დროით დილის 11:30 საათზე, “სიუტატ ესპორტივას” ბაზაზე დაიწყებს.
კომენტარები (0)