მსოფლიოს 2026 წლის ჩემპიონატზე სენსაციები დაიწყო. ბოლო რამდენიმე საათში ტურნირს ჯერ გერმანია, შემდეგ კი ნიდერლანდები გამოეთიშა. სცენარი ორივე შემთხვევაში ერთმანეთის მსგავსი იყო – ძირითადი და დამატებითი დრო 1-1, ხოლო თერთმეტმეტრიანების სერიაში ევროპელების წაგება.
ნიდერლანდები 4 წლის წინ გამართული მუნდიალის მთავარ აღმოჩენას, მაროკოს ხვდებოდა და 72-ე წუთზე კოდი გაკპოს მიერ გატანილი გოლით იგებდა კიდეც, მაგრამ 91-ე წუთზე გამათანაბრებელი გაუშვა და უგოლო დამატებითი ტაიმების შემდეგ თერთმეტმეტრიანების ჯერი დადგა, სადაც აფრიკელებმა 3-2 მოიგეს.
ფრენკი დე იონგი ტრადიციულად სასტარტო შემადგენლობაში იყო. “ბარსელონას” ნახევარმცველმა მოედანზე 110 წუთი გაატარა. ის “ბარსელონას” მეორე ფეხბურთელია რონალდ არაუხოს შემდეგ, რომელიც მსოფლიო ჩემპიონატს დაემშვიდობა.
კომენტარები (0)