გუშინ გამართულ ამხანაგურ სანაკრებო შეხვედრებში “ბარსელონას” არაერთმა ფეხბურთელმა მიიღო მონაწილეობა. კატალონიური კლუბის წარმომადგენლებმა ეროვნული გუნდების რიგებში წარმატებით იასპარეზეს და გამარჯვება ყველამ იზეიმა.
ესპანეთი 3-1 პერუ: “ბარსელონას” მოთამაშეების ბენეფისი
ესპანეთის ნაკრებმა პერუს დამაჯერებლად მოუგო. ამ გამარჯვებაში უდიდესი წვლილი სწორედ “ბლაუგრანას” ფეხბურთელებმა შეიტანეს:
- პედრი: სასტარტო შემადგენლობაში იყო, ითამაშა 61 წუთი და გოლის გატანა მოახერხა.
- ფერან ტორესი: მატჩი ძირითადიდან დაიწყო და მოედანზე 69 წუთი გაატარა. პედრის გოლის ეპიზოდში საგოლე გადაცემა სწორედ მის ანგარიშზეა.
- პაუ კუბარსი: ახალგაზრდა მცველმაც სასტარტოში დაიწყო შეხვედრა, ითამაშა 61 წუთი და აქტივში ერთი საგოლე გადაცემა ჩაიწერა.
- დანი ოლმო და ერიკ გარსია: ორივე მათგანი თამაშში მეორე ტაიმის დასაწყისიდან (46-ე წუთზე) ჩაერთო და მატჩი ბოლომდე ჩაამთავრა.
- გავი: მოედანზე 61-ე წუთიდან გამოჩნდა და დარჩენილი დრო სრულად ითამაშა.
- ჟოან გარსია: ის მთელი თამაში სათადარიგო იყო.
საფრანგეთი 3-1 ჩრდილოეთ ირლანდია
წარმატებული საღამო ჰქონდა ჟიულ კუნდეს. საფრანგეთის ეროვნულმა ნაკრებმა ჩრდილოეთ ირლანდიას 3-1 სძლია. “ბარსელონას” მცველმა მატჩი ძირითად შემადგენლობაში დაიწყო და მოედანზე პირველი ტაიმი (45 წუთი) გაატარა.
ნიდერლანდები 2-1 უზბეკეთი
გამარჯვება იზეიმა ფრენკი დე იონგმაც. ნიდერლანდების ნაკრებმა უზბეკეთის დამარცხება მინიმალური სხვაობით შეძლო. კატალონიელთა ნახევარმცველი სასტარტო თერთმეტეულში იყო და მოედანზე 72 წუთი დაჰყო.
უბერეთ უბერეთ
კაი ბიჭები არიან ესპანელები, ფავორიტები ტურნირის.
გარსია დასაჯა დე ლა ფუენტემ? მაგ ბურთს ვინმე აიღებდა, დამრტყმელიც არ იყო აზრზე საით წავიდოდა ბურთი.