”ბაიერნის” მთავარმა მწვრთნელმა, იუპ ჰაინკესმა, რომლის გუნდიც ჩემპიონთა ლიგის ფინალის საგზურისთვის იბრძვის, კიდევ ერთხელ განაცხადა, რომ არ აპირებს გვარდიოლასთან დაკავშირებას.
”გვარდიოლა არ გაგვიმხელს ”ბარსელონას” ყველა საიდუმლოს, რადგან კარგად ვიცით თუ რაოდენ დიდ პატივს ცემს იგი თავის ყოფილ კლუბს. თუ ვინმესთან დარეკვას გადავწყვიტავ, ეს აუცილებლად კრუიფი იქნება, რადგან მან ააგო ”ბარსელონას” სისტემა. თუმცა, მე ეს არც მჭირდება, რადგან კარგად ვიცი ესპანური ფეხბურთი და კატალონიური გრანდი.” – განაცხადა მიუნხენელთა მწვრთნელმა.
შეგახსენებთ, რომ გვარდიოლამ, კატალონიაში გატარებული 4 ზღაპრული სეზონის შემდეგ, ამ ზაფხულს ”ბაიერნში” გადაბარგება გადაწყვიტა.


